Uppskrift fyrir fimm:

450 gr. nautahakk
5 stk. Santa Maria Garlic Tortilla (10")
2 1/2 dl. Santa Maria Taco sósa, mild eða hot
1/2 dl. tómatpúrra
2 laukar
1 tsk. salt
1 msk. hvítlaukur
25 gr. matarolía til steikingar

Ostasósa:
10 gr. smjör
1 msk. hveiti
2,5 dl. upphituð mjólk
2-3 dl. tilbúin ostasósa

Steikið lauk, nautahakk og tómatpúrru í matarolíu. Bætið við Taco sósu, salti og hvítlauk. Steikið í u.þ.b. 3 mínútur.

Hitið smjörið í potti og blandið saman hveitinu. Hrærið saman mjólkinni og látið malla við vægan hita í u.þ.b. 3 mínútur. Blandið nú við ostasósunni og bragðbætið með salti.

Hellið þunnu lagi af ostasósu í eldfast mót. Setið á víxl tortillur, kjöt og ostasósu. Hafið seinasta lagið með ostasósu. Skreytið með tómatsneiðum og rifnum osti. Hitið í ofni í 15 mínútur, við 200°C.

Berið fram með salati.

 

 Uppskrift fyrir fjóra:

600 g af blönduðum smáfiski og skelfiski, t.d. smokkfiski, úthafsrækjum, smásíld, smáloðnu, humri, murtu, makríl, smákola og krabba.
150 g hveiti
2 eggjahvítur
skvetta af bjór
jómfrúrólífuolía
salt og pipar
nokkrar sítrónur
búnt af ferskri steinselju

Þvoið og hreinsið fiskinn og afhreistrið og afhausið ef þarf. Setjið fiskinn í skál og vætið vel með ólífuolíu og sítrónusafa. Kryddið með salt og pipar. Setjið lok yfir og látið marinerast í kæli 2 klst.

Setjið hveiti í skál og bætið bjór saman við þannig að úr verði jöfn fljótandi blanda, ekki of þunn (líkt og þykk sósa). Látið bíða í kæli í 2 tíma. Bætið sífþeyttum eggjahvítum saman við deigblönduna rétt áður en fisknum er velt upp úr henni. Djúpsteikið deigumvafinn fiskinn upp úr slatta af ólífuolíu eða annarri góðri ólíu, t.d. jarðhnetuolíu eða vínberjasteinaolíu þar til hann er léttgylltur og stökkur. Veiðið fiskana upp með fiskispaða og leggið á fat sem klætt hefur verið pappír sem dregur vel í sig fitu. Raðið sítrónubátum ofan á og í kring og skreytið með litlum steinseljubúntum.

 

Um 17 til 20 crépes:

 

Crépes:

2 stór egg

3/4 bolli mjólk

1/2 bolli vatn

1 bolli hveiti

3 msk. bráðið smjör

2 1/2 msk. sykur

1 tsk. vanilludropar

2 msk. Cointreau

Smjör til steikingar

 

Cointreau blanda:

(fyrir fjóra)

230 gr. mjúkt smjör

4 msk. sykur

12 cl. Cointreau

 

Meðlæti:

Vanilluís

 

Crépes:

Setjið allt innihaldið í skál og blandið vel saman. Setjið deigið síðan í ísskáp í 1 klst. Með því sjatna loftbólurnar í deiginu sem gerir það að verkum að það er minni hætta á að crépes-kökurnar rifni við steikinguna. Hægt er að geyma deigið í allt að 48 klst.

 

Hitið smjör á pönnu. Ausið smá deigi á miðju pönnunnar og hallið henni til og frá svo deigið dreifist jafnt. Steikið í 30 sek. og snúið crépes-kökunni svo við og steikið á hinni hliðinni í 10 sek. Setjið svo tilbúna crépes-kökuna til hliðar, alveg flata svo hún nái að kólna. Haldið áfram þar til allt deigið er búið.

 

Því næst brjótið crépes-kökurnar til helminga, tvisvar, svo hver kaka sé í laginu eins og þríhyrningur.

 

Cointreau blanda:

Hitið helmingin af smjörinu á pönnu við miðlungshita. Þegar smjörið byrjar að "freyða", fjarlægið pönnuna af hellunni og bætið 6 cl. af Cointreau og 2 msk. af sykri út á. (Fjarlægið alltaf pönnuna af hellunni áður en áfengi er bætt út á.) Notið tengur til að setja crépes-kökurnar út á pönnuna, steikið á báðum hliðum. Bætið afgangnum af smjörinu, sykrinum og Cointreau út á pönnuna eftir þörfum.

 

Takið til fjóra diska, leggið crépes-köku á hvern disk og setjið vanilluís ofan á. Hellið afgangnum af Cointreau blöndunni af pönnunni yfir vanilluísinn. Berið fram strax.

 

 

Uppskrift fyrir fjóra til sex:

450 gr. soðnar kartöflur, stappaðar og kældar
1 lítill laukur, fínt niðurskorinn
2 tsk. Patak´s Madras Paste (mild eða hot)
1 msk. ferskur kóríander
½ tsk. salt
½ tsk. svartur pipar
2 tsk. hveiti
½ bolli brauðmylsna
Olía til steikingar

Setjið kartöflurnar, laukinn, kryddmaukið, kóríander, salt, pipar og hveiti í stóra skál og blandið vel saman. Rúllið deiginu í pylsu og skerið hana í 12 bita. Mótið hvern bita svo hann verði hringlaða og ca. 2 cm. á þykkt. Þekið klattana með brauðmylsnunni. Hitið olíu á pönnu. Steikið klattana, nokkra í einu, í 3 til 4 mín. á hverri hlið, þar til þeir verða gylltir að lit. Takið af pönnunni og setjið á eldhúspappír. Berið síðan fram, með Patak´s Mango Chutney, sem forrétt.

.

 

Fiskur ýsa eða þorskur (ca. 1 lítið flak á mann)
Hveiti í skál + nýmalaður pipar + salt
sítrónupipar
Rifinn Ostur
Rækjur..

Sósa:
1 eggjarauða á móti 100g smjör (2 eggjarauður .. ætti að vera nóg fyrir 3)
... Bræðið smjörið og látið kólna. Þeyta skal eggin þangað til þau hafa lyft sér og eru orðin frauðkennd. (gott er að velgja eggjarauðurnar með því að setja skálina í heitt vatn, þá lyftast eggin betur )
Hræra smjör og egg rólega saman. Kryddið með nýmöluðum pipar og sítrónusafi

Skerið fiskinn í hæfilega bita og berjið bitana til að þynna þá. (fínt er að setja plastpoka yfir fiskinn þegar hann er barinn upp á þrif og subbuskap:) kryddið yfir annan helminginn á flakinu með sítrónupipar og setjið rækjur og rifinn-ost ofan á og brjótið flakið saman í samloku (rækjur, ostur og sítrónupipar lokað inní). Síðan er samlokunni dýft í hveiti sem búið er að salta og pipra. Steikið í ca. 2-3 mín við háan hita á hvorri hlið (ágætt að hafa lokið á pönnunni til að osturinn bráðni betur.)

Meðlæti:
Ferskt salat
Kartöflur eða hrísgrjón